Description

மொழிப் போராட்டம் என்றாலே ஆகப் பெரும்பாலோரின் நினைவுக்கு வருவது நடராசன் – தாளமுத்து என்ற பெயர்கள் தான்.

அதிகாரத்தை எதிர்த்து அறப்போராட்டத்தில் இறங்கி தன்னுயிர் ஈகிய இந்த இருவரின் தியாகம் போற்றுவதற்கு உரியது தான். என்ற போதிலும் இவர்களின் பணிக்கு எந்த விதத்திலும் குறையாது பெண்கள் பலர் அந்தக் காலத்திலேயே களத்தில் நின்றார்கள். நமக்கான மொழியுரிமையை போராடிப் பெற்றுத் தந்தார்கள். என்ன காரணத்தாலோ இந்தப் பெண்களின் பங்களிப்பு வரலாறில் கவனம் பெறாமலேயே போய்விட்டது.

இந்த வரலாற்றுப் பிழையை சரி செய்ய வரவிருக்கிறது “1938 முதல் மொழிப் போரில் பெண்கள்” – என்ற தலைப்பிலான நூல்.